المعازيز في الجباد
لبلاد خاصها كواد
كلها فين يجر في واد
ياك ما انحضروا لجواد
الله يلعنها جرية
ضاع شباب القرية
بين اصباح واعشية
ضربات لبلاد كل ارزية
بمال شي بعضين
ومصالح دوك لخرين
جاونا بهاك وارى مستوطنين
وشبابنا ما ابقى يعمر عين
القضية فيها اكنور
اولاد لمعازيز صبحات اتبور
كل مصالحها ابدات اتغور
جعلوا منها اغدى وافطور
المعازيز صبحات تتباع
جعلوا فيها اتراع واكراع
دخلوها من زيان شياع
قالوا انفضيوا هذا الصداع
لعبوا بالصوطة والكبال
ضنوا ما ابقاوا ارجال
خدموا اجميع الحيال
ولشباب القرية غلقوا كل مجال
دابة اتسالي ايام شهرك
وواري للحساب ظهرك
ما تلقى اللي ينفعك ولا يضرك
وما يحك جلدك غير ضفرك
لمعازيز عديتوها حفرة
ناسها احسبتوهم هبرة
كلها امنين يجر وترة
ولا وافيتوا حتى بنظرة
الايام تدي وتجيب
تخوى الشكارة والجيب
العيب يبقى هو العيب
ولو تحضر او اتغيب
لمعازيز درتوها في الجباد
اغمرتوها بكل اسواد
اجعلتو شبابها ابيادق وعواد
اتلعبوا وتضحكوا على لعباد
لا يجرك تيار الطمع
تاكل وحدك ما تشبع
لاولاد ابلادك ما تسمع
وشباب اتخليها تتسكع
كل لعبة حقيناها
كل خطوة عيناها
ادرسناها واقريناها
ولا حرف او كلمة انسيناها
مصطفى امزيل المعازيز في 9/11/2012
اقليم الخميسات المغرب
.
ليست هناك تعليقات:
إرسال تعليق