فاجعة والماس
بينات على المطمور
مسؤولين بلا احساس
واتغير المنضور
ما عندهم غيرة على الناس
كلها بشاقور وسطور
ابنات واعيالات
ضحايا حرب الطرق
بين والماس وتيداس
اتجلات كل الخرق
ليك الله يا ابلادي
ليك الله
ولا على من اتنادي
الهم بنا غادي
كل مرة ضحايا
ويطعموها
الامر عادي
المركب مخلول
ساير بنا
يشتت فينا
وللزمان يوارينا
ليك الله يا ابلادي
اقليم زمور همشوه
نهبوا خيراتوا وطمروه
وفي اسفينة راشية غرقوه
كل عدراء فيه غصبوها
وكل امليحة دمروها
فاجعة والماس
نكبة وطنية
نكبة انسانية
مستشفيات بلا تغطية
لا اسعاف ولا تنمية
هذا حالك يا ابلادي
بين ذياب واثعالب
وبخيراتك تتلاعب
لا مسؤولين راجحين
ولا منتخبين صالحين
ليك الله يا ابلادي
ليك الله
كلها يلعب على اهواه
والمسكين ليه الله
في ارضك يا زمور
الحق مخفي مطمور
فاجعة والماس اكبيرة
ما جمعاتها
لا ضماضة ولا اجبيرة
واتفضحات السريرة
اتعرات كل مستورة
وجتت على الطريق منشورة
وانت يا قايد لميا
باقي في ادجاجة عميا
لا اطريق امعبدا
ولا ايام امعاك امسكدا
.
الشاعر والزجال الزموي مصطفى امزيل
المعازيز 21 ابريل 2016 اقليم الخميسات المغرب
.
المعازيز 24
.
ليست هناك تعليقات:
إرسال تعليق